Хан-Уул дүүргийн Засаг даргын 2014 оны 09 дүгээр сарын 26-ний өдрийн А/341 тоот захирамжийг хэрэгжүүлэх ажлын хүрээнд 2014 оны 09 дүгээр сарын 10-ний өдрөөс 11 дүгээр сарын 10-ний өдрийн хооронд ой хээрийн түймрээс урьдчилан сэргийлэх ажлыг дүүргийн Онцгой байдлаас зохион байгуулаа. Богдхан уулын Дархан цаазат газрын Зайсан, Богино, Чандмань, Арцат, Нүхт, Жаргалант, Өвөр зайсан, түргэний голын амуудад 2014 оны 09 дүгээр сарын 10-ний өдрөөс 11 дүгээр сарын 10-ний өдрийн хооронд Онцгой байдлын хэлтсээс түр пост ажиллуулж 1 өдөрт 7 алба хаагч нийт 60 хоног давхардсан тоогоор 420 албан хаагч чанга яригчтай мотоцикльтой ухуулга сурталчилгаа хийж, 580 иргэн, 80 автомашиныг уулнаас буулгах арга хэмжээ авсан байна. Мөн 2245 ш зөвлөмж, сурталчилгааны материал тараан, түймрээс урьдчилан сэргийлэх санамж байрлуулан, хэвлэл мэдээллийн хэрэгслээр 4 удаагийн сурталчилгааны ажлыг зохион байгуулан явуулсан байна.