10 сарын 25-ны өдөр 09.00-16.00 цагийн хооронд ХУД-ийн Эрүүл мэндийн төв “Нээлттэй хаалганы өдөр” зохион байгуулж иргэдэд үнэ төлбөргүй, харьяалал харгалзалгүй, ямар нэгэн бичиг баримт шаардахгүйгээр үзлэг шинжилгээ хийж зөвлөгөө өглөө. "Нээлттэй хаалганы өдөр"-ийн үйл ажиллагаанд ХУЭМТ-ийн дарга Т.Пүрэвчулуун, ХУД-ийн ЗДТГ-ын дарга Л.Үнэнбат, дүүргийн ИТХ-ын тэргүүлэгч н.Болд нар хүрэлцэн ирж нээлтийн үйл ажиллагаанд оролцсон бөгөөд нээлтэнд ахмад настны төлөөллүүд хийн дасгалын үзүүлбэр үзүүлэн баярын мэндчилгээ дэвшүүллээ. “Нээлттэй хаалганы өдөрлөг”-т дүүргийн Эрүүл мэндийн төвийн эмч, ажилчид бүрэн бүрэлдэхүүнээрээ ажилласан байна.