Монгол Улсын нийслэл хот үүсч байгуулагдсаны 375 жилийн ойд зориулан “Спортлог Улаанбаатар” бүх нийтийн өдөрлөгийг өнөөдөр 10:00-17:00 цаг хүртэл Чингис хааны талбайд зохион байгуулж байна. Спортлог Улаанбаатар өдөрлөгийг нээж Нийслэлийн ИТХ-ын дарга Д.Баттулга үг хэллээ.

Өдөрлөгийн үйл ажиллагаанд нийслэл, дүүргийн Биеийн тамир, спортын газар, хороод, спортын холбоод, чийрэгжүүлэх бялдаржуулах төвүүд, клубүүд, "Монголын Эмнести Интернэшнл" Олон улсын төрийн бус байгууллага, “Мандал иог” ХХК, Монголын Залуучуудын холбоо, Өсвөрийн болон оюутны шигшээ багийн тамирчид, “Сурагчдын лиг” тэмцээнд оролцдог сагсан бөмбөг, волейболын баг тамирчид, “Дуулиан-2020” тэмцээнд оролцдог хөл бөмбөгийн баг тамирчид, Нийслэлийн иргэдийн спортын III наадмын дүүргүүдийн баг тамирчид, нийслэлийн иргэд  оролцлоо. "Спортлог-Улаанбаатар" өдөрлөгт нийслэл, дүүргийн Биеийн тамир спортын газар, хороодыг сурталчилах үйл ажиллагаа Хан-Уул дүүргийн Засаг даргын нэрэмжит “Дүүргийн Иргэдийн спортын III дугаар их наадмын нээлтийн ажиллагаагаар эхэлсэн юм. Нээлтийн үйл ажиллагаанд ХУД-ын Нийгмийн хөгжлийн хэлтсийн дарга Б.Булган, дүүргийн Биеийн тамир спортын хорооны дарга Б.Мөнх-Эрдэнэ, дүүргийн 2-р хорооны Засаг дарга Нийгмийн бодлогын хорооны дарга н.Нарантуяа, дүүргийн 8-р хорооны Засаг дарга Нийгмийн бодлогын хорооны дарга Ё.Цацралтуяа болон 1100 гаруй ХУД-ын иргэд оролцлоо. ХУД-ын Спорт хорооноос дүүргийн Иргэдийн спортын III их наадмын амжилттай оролцсон баг тамирчдаа шагнаж урамшууллаа.
1.    Шагайн наадгай
III байрт Энхтүвшин даргатай ХУД-ын 9-р хорооны баг тамирчид
II байрт Т.Ган-Од даргатай ХУД-ын 4-р хорооны баг тамирчид
I байрт Г.Батсуурь даргатай ХУД-ын 14-р хорооны баг тамирчид
2.    Дугуйн аялал
III байрт С.Сарангуа даргатай ХУД-ын 16 хорооны баг тамирчид
II байрт Б.Батзаяа даргатай ХУД-ын 5-р хорооны баг тамирчид
I байрт Энхтүвшин даргатай ХУД-ын 9-р хорооны баг тамирчид
3.    Спорт явган аялал
III  байрт Энхтүвшин даргатай ХУД-ын 9-р хорооны баг тамирчид
II байрт Б.Батзаяа даргатай ХУД-ын 5-р хорооны баг тамирчид
I байрт Ё.Цацралтуяа даргатай ХУД-ын 8-р хорооны баг тамирчид