Монгол улсын ерөнхийлөгч Ц.Элбэгдорж БНХАУ-ын төрийн тэргүүн Си Зиньпинийг Чингисийн талбайд хүлээн авах ёслолын үйл ажиллагаа 16:00 цагт эхэллээ. Монголын улсын хүндэт харуул жагсаж, төрийн дуулал эгшиглүүлэн сүр жавхаатайгаар ийнхүү угтан авлаа. БНХАУ-ын тэргүүний энэхүү айлчлалыг сурвалжлахаар гадаадын хэвлэл мэдээллийн 80 гаруй төлөөлөгчид дагалдан иржээ. Мөн ёслолын үйл ажиллагааг сонирхохоор олон орны төлөөлөл хүмүүс ирсэн харагдлаа.