Ерөнхийлөгч 2025.05.01-ний өдөр зарлиг гаргаж, явахаас өмнө Монгол Улсын Ерөнхий аудитор Дэлэгийн Загджавт Төрийн аудитын “Тэргүүн түшээгийн Тэргүүн зэрэг дэв” олгожээ. 

Уг зэрэг дэвийг батламжийн хамт ЕТГ-ын дарга Г.Занданшатар гардуулсан байна.

Учир нь УИХ энэ долоо хоногт Монгол Улсын ерөнхий аудитор Д.Загджавыг албан тушаалаас нь чөлөөлөх төлөвлөжээ.

 Д.Загджав жилийн өмнөөс буюу 2024 оны тавдугаар сарын 30-наас ерөнхий аудитороор ажиллаж эхэлсэн юм. Д.Занданбат нь УИХ-ын сонгуульд нэр дэвшихээр 2023 оны арванхоёрдугаар сарын 28-нд өөрийн хүсэлтээр чөлөөлөгдсөн. Түүнээс хойш Д.Загджав даргын үүрэг гүйцэтгэгчээр ажиллаж байгаад жилийн өмнө жинхэлсэн юм.

Гэвч түүнийг УИХ-ын дарга Д.Амарбаясгалан албан тушаалаас нь чөлөөлөхөөр болоод байна. Үндэсний аудитын газар нь УИХ-д ажлаа тайлагнадаг, удирдлагыг нь УИХ-ын дарга нэр дэвшүүлэн томилуулдаг байгууллага юм.

УИХ-ын дарга Д.Амарбаясгалан Д.Загджавын оронд ерөнхий аудитороор С.Магнайсүрэнг томилуулахаар нэр дэвшүүлээд байна.

Тэгвэл  Ерөнхий аудиторт олгодог тэргүүн зэрэг дэвээр шагнуулсан Д.Загджавын 2023 онд АТГ-т мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮79 сая
Гэр бүлийн орлого: ₮296 сая
Орон сууц барилга байгууламж: ₮4,2 тэрбум  /орон сууц-2 /
Тээврийн хэрэгсэл: ₮720 сая 

• Суудлын жижиг машин,Lexus, LX 460
•  Жийп болон туулах чадвар өндөр Lexus, 570
• Жийп болон туулах чадвар өндөр,Toyota  Land Criuser 300
• Жийп болон туулах чадвар өндөр,Infiniti, FX35 нийт дөрвөн тээврийн хэрэгсэлтэй

Мал аж ахуй: ₮0 сая
Газар: ₮0 сая 
Үнэт эдлэл, урлаг, түүхийн үнэт зүйл: ₮130 сая
Хадгаламж: ₮1 тэрбум 
Бэлэн мөнгө:  ₮370 сая
Зээл:  ₮0 сая гэж мэдүүлжээ.