Монгол Улсын Ерөнхийлөгчийн Тамгын газраас "Хавдар судлалын үндэсний төв II"-ийг барих асуудлаар мэдээлэл өглөө.

Тодруулбал, Ерөнхийлөгч У.Хүрэлсүх өчигдөр (2024.12.26) Хавдар судлалын үндэсний хоёрдугаар төвийг байгуулахад дэмжлэг үзүүлэх ажлын хэсгийг байгуулах үүрэгтэй ажлын хэсэг байгуулах тухай захирамж гаргажээ. Энэ ажлын хэсгийг Ерөнхийлөгчийн ахлах зөвлөх Н.Хүрэлбаатар ахлах аж.

Энэ талаар Ерөнхийлөгчийн Ахлах зөвлөх Н.Хүрэлбаатар  "Ажлын хэсгийг Ерөнхийлөгчийн Ахлах зөвлөх миний бие Н.Хүрэлбаатар ахалж, Сангийн сайд Б.Жавхлан, Эрүүл мэндийн сайд Т.Мөнхсайхан, УИХ-ын гишүүн Ж.Чинбүрэн, Н.Алтаншагай, Л.Мөнхбаясгалан, ЗГХЭГ-ын дарга У.Бямбасүрэн, ЭЗХЯ-ны Төрийн бичгийн дарга И.Батхүү, ХСҮТ-ийн Ерөнхий захирал Н.Эрдэнэхүү нарын бүрэлдэхүүнтэйгээр байгуулсан.

Сонгинохайрхан дүүргийн нутаг дэвсгэрт 95,3 мянган м.кв талбайд “Хавдар судлалын үндэсний төв II”-ийг барина. 2025 оны төсөвт дэд бүтцийн асуудлыг шийдвэрлэхээр мөнгө тусгагдсан байгаа." гэлээ.