Монгол Улсын Ерөнхийлөгч Ухнаагийн Хүрэлсүх зарлиг гарган, анхдугаар Үндсэн хуулиа баталж, Бүгд Найрамдах Улсаа тунхагласны түүхт 100 жилийн ойг тохиолдуулан нэр бүхий эрхмүүдэд төрийн дээд цол, одон, медаль хүртээлээ.

Тухайлбал,  Монголын бодибилдинг, фитнесийн хөгжлийн холбооны ерөнхий шүүгч, дасгалжуулагч Чулуунбаатарын Цогтбаатар  "Хөдөлмөрийн гавьяаны улаан туг"-ийн одонгоор шагнууллаа.

Тэрээр Бодибилдингийн дэлхийн аваргын хүрэл медальтан, Монголын 6 удаагийн аварга юм.

Энэ талаар Ч.Цогтбаатар "Олон жилийн хөдөлмөрөө үнэлүүлж, "Хөдөлмөрийн гавьяаны улаан туг"-ийн одонгоор шагнууллаа. Бодибилдинг спортыг дэмждэг бүх хүмүүст баярлалаа" гэв.