Сүүлийн үед цахим орчинд Ерөнхийлөгч У.Хүрэлсүхийг улс төрийн шахалт үзүүлж, Үндсэн хуульд нэмэлт өөрчлөлт оруулах замаар дахин Ерөнхийлөгчөөр сонгогдох замаа засна хэмээн яриа гараад буй.

Уг яриаг зорилготойгоор хэд хэдэн бүлэглэлээс гаргасан хэмээн хардалт ч яригдаж байна. 

Тэгвэл өнөөдөр дээрх асуудлын талаар ЕТГ-аас тодруулахад " Ерөнхийлөгч өөрийн бүрэн эрхийн хугацаанд ҮХНӨ орохыг дэмжихгүй гэсэн албан ёсны байр суурьтай байгаа" гэлээ.

Мөн төрд нөлөө бүхий хүмүүс эрх мэдлийнхээ төлөө Үндсэн хуулиа өөрчлөөд байвал улс орны тусгаар байдалд ч нөлөөлнө гэсэн байр суурьтай байгаа аж.

Иймд олны дунд үүсээд буй шуум худлаа байжээ.

Дашрамд сонирхуулахад, маргааш Үндсэн хуулийн 100 жилийн ойд зориулсан УИХ-ын хүндэтгэлийн чуулганд Ерөнхийлөгч оролцох юм.