Их Эзэн Чингис хаан мэндэлсэн билгийн тооллын өвлийн тэргүүн сарын шинийн 1-нийг Монгол бахархлын өдөр болгон тэмдэглэдэг. Өвлийн тэргүүн сарын шинийн нэгэн энэ жил 11-р сарын 14-ний мягмар гарагт тохиож буй юм. Монгол Улсын Ерөнхийлөгчийн Тамгын газраас Их эзэн Чингис хааны мэндэлсний 861 жилийн ой, “Монгол бахархлын өдөр”-ийг  тохиолдуулан Монгол Улсын төрийн дээд шагнал, тэргүүн зэргийн “Чингис хаан” одонгоор Улсын филармонийн Морин хуурын чуулгыг шагнахаар шийдвэрлэснийг Ерөнхийлөгчийн Тамгын газрын дарга Я.Содбаатар өнөөдөр зарлалаа. 

"Чингис хаан" одонг маргааш болох Монгол бахархлын өдрөөр Төрийн ордонд гардуулах юм.