Монгол Улсын Ерөнхийлөгч Ц.Элбэгдорж өнөө жилийн баяр наадмын 12-ны өдөр Хүй долоон худагт зочилж хурдан соёолонгийн уралдаан үзэж сонирхсон. Тэрбээр үүний дараа “Ажнай гал”-д зочилж, түрүүлсэн азарганы уяач Д.Баянбат болоод, тус галын эрхэм уяачид болох Д.Даваахүү, “Ажнай” Д.Бат-Эрдэнэ нартай уулзаж морьдын уяа сайхан байгаа талаар ярилцаж, наадамчин олонд баяр хүргэсэн юм. Түүнчлэн энэ үеэр Ерөнхийлөгч Ц.Элбэгдорж Батлан хамгаалахын сайд  “Ажнай” Д.Бат-Эрдэнийн эхнэр н.Ганцэцэгт алдарт эхийн II одонг гардуулж өгчээ.