Монгол Улсын Ерөнхийлөгч Ц.Элбэгдорж, УИХ-ын дарга М.Энхболд, Ерөнхий сайд Ж.Эрдэнэбат болон УИХ, Засгийн газрын гишүүд,

Зэвсэгт хүчин, нийслэлийн төр, захиргаа, олон нийтийн байгууллага, хэлмэгдэгсдийн үр хүүхэд, төрөл төрөгсөд, иргэдийн төлөөлөл Хэлмэгдэгсдийн хөшөөнд цэцэг өргөж хүндэтгэл үзүүлэв. 

Цэцэг өргөх үед хүндэт харуул жагсч, үлээвэр хөгжимд гашуудлын ая эгшиглэв. 1996 оноос эхлэн жил бүрийн есдүгээр сарын 10-нд Улс төрийн хилс хэрэгт хэлмэгдэгсдийн дурсгалыг хүндэтгэх өдрийг тэмдэглэж ирсэн юм.