Ирэх есдүгээр сард Монголын Улсын төрийн гурван өндөрлөгийн гадаадын улс орнуудад хийх айлчлалын тов тодорхой болжээ. Тодруулбал, УИХ-ын дарга З.Энхболд энэ сарын 31-нд АНУ-г зорих аж. Тэрбээр Нью-Йорк хотноо болох Дэлхийн парламентын спикерүүдийн дөрөвдүгээр уулзалтад оролцох аж. Харин ирэх есдүгээр сарын эхээр Монгол Улсын Ерөнхийлөгч Хятадад айлчлах юм байна. Ерөнхийлөгч есдүгээр сарын 2-3-ны өдрүүдэд Бээжин хотноо болох Чөлөөлөх дайны ялалтын 70 жилийн ойн арга хэмжээнд оролцоно. Тэгвэл Ерөнхий сайд Ч.Сайханбилэг ирэх есдүгээр сарын 9-11-ны хооронд Хятад болох олон улсын эдийн засгийн чуулга уулзалтад оролцоно. Түүнчлэн Ерөнхийлөгч Ц.Элбэгдорж ч НҮБ-ын Ерөнхий Ассамблейн 65 жилийн ойн хүндэтгэлийн чуулганд оролцохоор мөн ирэх сард АНУ-ыг зорих юм байна.