Засгийн газрын “Шувуу” ажиллагааны хүрээнд Филиппин улсаас саатуулагдаж, 2023 оны дөрөвдүгээр сарын 5-нд ХХААХҮ-ийн сайд асан Т.Бадамжунайг  “шүүрч” авчирч, тухайн сарын 7-ноос цагдан хорьсон билээ. Улмаар түүнийг эрүүл мэндийн шалтгаанаар  2023 оны дөрөвдүгээр сарын 26-нд суллаж, хилийн хориг тавьсан.

Тухайн үед МАН-аас төрсөн олон лидерүүдийн сайн, муу “хэрэг”-үүдийг хамгийн сайн мэдэх Т.Бадамжунайг Монголд авч ирсэн нь Засгийн газрын “Шувуу” ажиллагааны хүрээнд эхлүүлж буй авлигатай тэмцэх том ажлын эхлэл үү, эсвэл шоу драмынх нь нэг хэсэг байсан уу гэдэг нь цаг хугацааны асуудал болж хувирсан байдаг. 

Гэтэл тэр нь шоу байсан нь өнөөдөр батлагдаж буй. Учир нь  "ШУВУУ АЖИЛЛАГАА"-гаар баривчилж, сүр дуулиантай улсын зардлаар авчирсан Т.БАДАМЖУНАЙ "Ардын нам -Ард түмэндээ" аяны шувуухай болоод нисэж яваа сурагтай.