Монгол Ардын намын 31 дүгээр Их хурлаас байгуулсан Бага хурлын анхдугаар хуралдаан өчигдөр /2025.11.18/ Тусгаар тогтнолын ордонд боллоо. Тус хуралдаанаар Удирдах зөвлөл, ЕНБД болон бусад нарийн бичгийн дарга нар, ХЕХ-ны гишүүдээ шинэчлэн томилсон юм.

Тодруулбал, 39 гишүүнийг Удирдах зөвлөлийн гишүүнээр сонгосон бөгөөд 40 хувь нь эмэгтэйчүүдийн төлөөллөөс бүрджээ. Тэгвэл бид энэ удаа эрх барих МАН-ын Удирдах зөвлөлийн шинэ бүрэлдэхүүнийг  ХОМ-ийг цуврлаар танилцуулъя. 

Тухайлбал, МАН-ын Удирдах зөвлөлд шинээр сонгогдон, нийслэлээс төлөөлсөн гишүүн Б.Ану-Үжингийн 2024 онд АТГ-т мэдүүлсэн ХОМ-ийг хүргэж байна.

2018 онд МАН-ын шинэ гишүүн болж, улмаар МЗХ-нд орсон түүний хувьд  өмнө нь СЗХ, Рийч Пойнт ХХК-ийн гүйцэтгэх захирлаар ажиллаж байгаад 2024 оноос эхлэн "Улаанбаатар Трамвай төсөл"-ийн удирдагч​​​, НИТХ-ын төлөөлөгчөөр ажиллаж буй.

Тэрбээр мэдүүлэгтээ:

Өөрийн орлого: ₮61 сая /жилийн/
Гэр бүлийн орлого: ₮56 сая /жилийн/
Орон сууц барилга байгууламж: ₮1,2 тэрбум /орон сууц-3, Үйлчилгээний зориулалттай барилга-1 /
Тээврийн хэрэгсэл: ₮98 сая  /Toyota, Alphart маркийн тээврийн хэрэгсэлтэй /
Мал аж ахуй:₮0 сая 
Газар: ₮0 сая                                                                                                                                                                       Үнэт эдлэл, урлаг, түүхийн үнэт зүйл:₮43 cая
Хадгаламж: ₮36 сая    Бэлэн мөнгө: ₮60 сая
Авлага: ₮0 cая
Зээл:  ₮86 сая гэж мэдүүлжээ.