Увсын 100 жил гээд улс даяар шуугилаа. Шуугилгүй яах уу. Увсын 100 жил гоё бололгүй яах вэ. Учир нь улсын төсөв Увс руу явсан юм чинь...

Эдгээр өдрүүдэд Увсын 100 жилийн ойн арга хэмжээний төсөв мөнгөнийх нь “булхай”-нууд илэрч, олны шүүмжлэлийг дагуулж буй.

Увс аймгийн 100 жилд:

Жишээ нь, Сангийн сайд Б.Жавхлан “Увс аймгийн 100 жилийн ойд зориулан улсын төсвөөс Ю.Цэдэнбалын талбайг тохижуулах ажилд 1.2 тэрбум төгрөгийн дэмжлэг үзүүлсэн” гэж мэдэгдэв.

• Үүнийг шалгаж үзэхэд, Увс аймгийн ЗДТГ-ынхан улсын төсвөөс авсан 1.2 тэрбум төгрөгийнхөө 1 тэрбум 65 сая төгрөгөөр нь Ю.Цэдэнбалын талбайг тохижуулах тендер зарлаж, “Цэнхэр тэнгэрийн орон оч” ХХК-ийг шалгаруулжээ. Дундаас нь 135 сая төгрөг “сох” алга болсон байгаа юм.

Дараа нь "Ойг тэмдэглэн өнгөрүүлэхэд орон нутаг болон улсын төсвөөс нийт 22 тэрбум төгрөг зарцуулсан, тэр дундаа эрчим хүчний салбарт зарцуулагдах ёстой 2 тэрбум төгрөгийг Увс аймагтаа  шийдвэрлэж өгсөн" гэж Эрчим хүчний сайд Б.Чойжилсүрэн өөрөө бахархан ярилаа.

• Увс аймгийн цэнгэлдэх орчмын тог цахилгааныг татах 2 тэрбум төгрөгийг Эрчим хүчний сайдын багцаас гаргажээ.
• Орон нутгийн болон улсын төсвийн 22 орчим тэрбум төгрөгийн хөрөнгө оруулалтыг аймгийн наадмын талбай, морь барианы газар зэрэгт зарцуулсан. Жишээлбэл, 4.5 тэрбум төгрөгөөр Цэнгэлдэх орчмын газрыг тохижуулж, дэд бүтцийг шийдвэрлэх ажил хийсэн гэв.

Энэ бол ил байгаа тоо. Юунд хэн, яаж зарцуулсныг бид мэдэх боломжгүй.

Тухайлбал:

• Эрүүл мэндийн салбарын ажилчдын цалинг нэмэгдүүлэх боломж алга гэж байсан Сангийн сайд Б.Жавхлан Увсын 100 жилд улсаас 14 тэрбумыг гаргаж өгчээ. 
• Улаанбаатарын дэлбэрсэн цахилгаан станцыг янзлахад олддоггүй төсвийг Эрчим хүчний сайд Б.Чойжилсүрэн Увсын наадамд асуудалгүй 2 тэрбум төгрөгөөр нь бэлэглэжээ.

Товчхондоо, татвар төлөөгчийн мөнгөөр бид улсаараа Увсын наадмыг хийж өгчээ.

Цахилгаан станцын асуудлаа шийдээгүй байж наадамд тэрбум тэрбумаар нь цацаж болдог юм уу?

Татвар төлөгчдийн мөнгө, төсвийн мөнгө, Улсын мөнгө эрхтэн дархтангуудын өнгө үзэмж, тал тохой, нутаг нугын зүг баруун солгойгүй баяр цэнгэлд урссаар л байх уу?

Орон нутагт жил бүр тавигддаг олон тэрбум төгрөгөөр бүтээн байгуулалтын ажлаа хийж байхгүй яасан бэ гэж Увс аймгийн Засаг дарга С.Батжаргал, Увс аймгийн ИТХ-ын дарга П.Баттулга нараас асуух хэрэгтэй.

Эрүүл мэндийн салбарын ажилчдын цалинг нэмэхэд, цахилгаан станцыг янзлахад олддоггүй ч Увсын наадам руу гардаг наадмын төсөвт “АУДИТ ОРУУЛЪЯ Монгол Улсын Ерөнхий аудитор С.Магнайсүрэн дарга аа...