УИХ дахь Монгол Ардын Намын бүлгийн өнөөдрийн хуралдаанд “Монгол Улсын Ерөнхий сайдад итгэл хүлээлгэх тухай” Улсын Их Хуралд өргөн барьсан тогтоолын төслийг Монгол Улсын Ерөнхий сайд Л.Оюун-Эрдэнэ танилцуулж, бүлгийн гишүүдэд мэдээлэл өглөө.

УИХ дахь МАН-ын бүлэг 20 минут хуралдаад тарсан байна.

Ерөнхий сайдад итгэл хүлээлгэх эсэх асуудлаар бүлгийн шийдвэр гаргахгүй, гишүүд өөрсдийн итгэл үнэмшлээр саналаа өгөх юм. Ерөнхий сайд үргэлжлүүлэн АН-ын бүлгийн хуралд оролцож итгэл үзүүлэх тогтоолын төслөө танилцуулж байна.

“Монгол Улсын Ерөнхий сайдад итгэл хүлээлгэх тухай” тогтоолын төслийг 12:00 цагт ТББХ-оор хэлэлцэж, үдээс хойш 14:00 цагт УИХ-ын нэгдсэн чуулганаар хэлэлцэх товтой байгаа юм.