МАН-ын Ерөнхий нарийн бичгийн дарга Я.Содбаатар Т.Сайнжаргалыг улс төрийн бодлогын зөвлөхөөрөө томилсон байна.

Тэрбээр өнгөрөгч онд болсон УИХ-ын сонгуулиар МАН-ын жагсаалтын 33 дугаарт бичигдсэнээр  "Монголын төмөр зам" ТӨХК-ийн Төслийн хэлтсийн даргын ажлаа хүлээлгэн өгч байжээ.

Т.Сайнжаргал нь “Иргэн Сайнжаргал” гэдгээрээ улс төрийн хүрээнд идэвхтэй нэгэн.  Тэрээр Сэлэнгэ аймгийн МАН-ын дэд дарга, Мандал сумын ИТХ-ын төлөөлөгчөөр ажиллаж байжээ. Түүнчлэн орон даяар сүлжээтэй “YES MONGOLIA” залуусын хөдөлгөөнийг үүсгэн байгуулалцаж, тэргүүнээр нь ажиллаж байсан аж.

Тэгвэл МАН-ын ЕНБД-ын зөвлөхөөр томилогдсон Т.Сайнжаргалын  2023 онд АТГ-т мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮74 сая
Гэр бүлийн орлого: ₮54 сая
Орон сууц барилга байгууламж: ₮749 сая /орон сууц-3 /
Тээврийн хэрэгсэл: ₮80 сая /Мотоцикл,- 1,Суудлын жижиг машин,Газ 24 /
Мал аж ахуй: ₮107 сая /Үхэр-11, Хонь-95, Адуу-8/
Газар: ₮0 сая /Өмчлөх-484м2, Өмчлөх-570м2, Өмчлөх-664.69м2 нийт гурван газартай /
Үнэт эдлэл, урлаг, түүхийн үнэт зүйл: ₮80 сая
Хадгаламж: ₮8 сая
Авлага:  ₮97сая
Зээл:  ₮30 сая гэж мэдүүлжээ.