Өнгөрөгч өдрүүдэд улстөрийн "тойрогт" томилгоо тойрсон асуудлууд эрчийг авав. Тухайлбал, Засгийн газраас төрийн өмчит хувьцаат компаниуд болон ТӨҮГ-уудад хяналт хариуцсан менежер, бүтээмж хариуцсан менежер гэх албан тушаалыг бий болгож, 40 орчим хүнийг томилж буй.

Уг асуудлаар УИХ-ын гишүүн Б.Найдалаа "400 ч биш л дээ. ХҮН нам болон АН-аас санал болгоод зарим хүний томилж байгаа нь үнэн. Одоогоор хэдэн хүн тавьсныг мэдэхгүй байна. Ганцхан МАН-аас томилсоор байгаад дасчхаж. АН, ХҮН намаас төрийн өмчит компаниудад бүтээмж болон хяналтын менежерүүдийг томилж байгаа. Төрийн өмчит компани авлига хулгайн, Монгол Улсын хөгжлийн, бүтээмжийн тээг болчхоод байгааг бүгд мэднэ. Үүнийг шийдэхийн тулд одоо байгаа арга барилаа өөрчлөхөөс өөр аргагүй. Арга барилаа өөрчлөхийн тулд шинэ хүмүүс оруулах ёстой." гэв.