ХҮН намын дарга, Шадар Сайд Т.Доржханд Төрийн ордонд сэтгүүлчдийн асуултад хариулав.

Тэрбээр, "П.Наранбаяр сайд, Б.Найдалаа гишүүн зодолдоогүй. Манай намынхан гар зөрүүлдэг хүмүүс биш.

Геополитикийн хүнд нөхцөлд ХҮН нам Засгаас гарахгүй. Дэлхийд бүх зүйл 1945 оноос өмнөх нөхцөл рүүгээ орж байна. Өөрөөр хэлбэл хоорондоо худалдаа хийдэггүй, зорчдоггүй, тариф, татвараар өрсөлддөг гэх мэтээр. Ийм үед нээлттэй жижиг эдийн засаг  хамгийн их хохирдог. Тэгэхээр маш их амаргүй цаг үед Монгол Улс орж ирчихээд байна. Ийм үед Монгол Улс дотроо бужигнаж болохгүй. Хамтарсан Засгийн Газар яг ийм үед хамгийн зөв зүйл. ХҮН нам Засгийн Газраас 2028 он хүртэл гарахгүй. Сайн, муу бүх цаг үед Монголчууд хамт байх ёстой. Цаашдаа мега төслүүдээ хийнэ" гэв.