АН-ын дарга, Тэргүүн Шадар сайд Л.Гантөмөр "Хүүхэд байх даа нүүрс түлдэг байхад би ч угаартаж байсан. Өнөөдөр ч угаартаж байгаа. Багануурын нүүрсийг түлж байгаа нь ч тэр. Бид угааргүй түлшийг гаргах ёстой. Өнөөгийн нүүрс угаартай гэдэг нь тодорхой байна. Түлшинд гаднын хорт бодис хийсэн гэдэгт би итгэхгүй байгаа. Угаасаа нүүрс бол угаартуулдаг" гэв.

Мөн тэрбээр "Би 126 хүнийг нэр дэвшүүлэх дээ бүгдтэй нь гэрээ байгуулсан. Намынхаа бодлогыг дагана гэсэн гэрээтэй. Гэрээг зөрчвөл намаас хасна, өөр олон төрлийн шийтгэл байж болно. Нам улс төрийн дэмжлэг үзүүлэхгүй. Дөнгөж Засгийн газар байгуулагдаад 6 сарын дараа урваж байгаа хүмүүс цаашдаа энэ намд хань болох уу? Дараагийн сонгуульд энэ нам ийм хүмүүсийг дэвшүүлэх үү? Улс төрийн зөвлөлийн гишүүд энийг заавал ярина гэж байгаа. Ойрын үед Улс төрийн зөвлөлийг хуралдуулж Засгийн газрыг огцруулна гэсэн хүмүүстэй холбоотой асуудлыг нэг талдаа гаргана" гэв.

Түүнчлэн Ц.Мөнхтуяа гишүүний талаар Л.Гантөмөр сайд "Ц.Мөнхтуяа гишүүн боловсролын салбарт бугшсан авлигатай ганцаараа хэрэлдэж байсан. Өнгөрсөн дөрвөн жилжингээ жагслаа, хэрэлдлээ, захирлуудтай туллаа, үзэлцлээ. Өнөөдөр хэн нэгэнтэй хэрэлдээгүй. Ц.Мөнхтуяагийн хэдэн жилийн өмнөх бичлэгийг нь гаргаж сэвээд, тодорхой хүмүүс тараагаад байгаа мэдсэн, сонссон. Ц.Мөнхтуяа байтугай хулгай дээрэм хийсэн хүн ордноор чинь дүүрэн байна. Та нар нэг багш хүнээр оролдоод яах вэ. Би Ц.Мөнхтуяаг мөнгө авсан гэж бодохгүй байна. Хүний мөнгийг авчихсан бол хуулийн дагуу хариуцлага хүлээх ёстой." гэв.