Сүүлийн өдрүүдэд Баянзүрх дүүргээс НИХТ-ын сонгуульд АН-аас нэр дэвшиж буй "лайвчин" О.Отгонтөгс ломбарднаас утас булаан зугтаж шүүхээр орж байсан тухай мэдээлэл цахим орчинд цацагдаж, олон нийтийг дургүйцэлийг хүргэж буй.

Тодруулбал, 2007 оны арваннэгдүгээр сарын 18-нд бусадтай нийлж, бүлэглэн лангуун дээр зарахаар тавьсан гар утаснуудыг булаан зугтсан гэх бөгөөд тухайн үед О.Отгонтөгс  16 настай сурагч байсан аж.

Тус хэргээр О.Отгонтөгст прокурорын байгууллагаас  яллах дүгнэлт үйлдэж, улмаар 2008 онд Орхон аймаг дахь Сум дундын шүүхийн эрүүгийн хэргийн анхан шатны шүүхээр орсон аж.

 Харин шүүхээс ямар ялаар шийтгүүлсэн нь тодорхойгүй бөгөөд түүний хувьд 3 удаагийн үйлдлээр ял  шийтгэл сонсож байсан гэх мэдээлэл бий.

Үнэнийг худал болгож, худлыг ч үнэн болгох “шид”-тэй  "лайвчин" О.Отгонтөгс шиг хүмүүсийн хувьд нийгэмд дуулиан тарьж, өөрсөд дээрээ олны анхаарлыг татах нь л чухал. Тэр л жишгээр О.Отгонтөгс тэргүүтэй лайвчид олны ахааралд өртөж, улмаар албан тушаалд очих, ардах эзнийхээ хүслийг биелүүлэх гэсэн цор ганц эрх ашиг л бий.  Нэг их ард иргэдийн амьдралыг бодоод нийслэлийг хөгжүүлэх гээд улайраад байгаа юм биш шүү дээ.

Ажил хийж үзээгүй лайв, шантааж хийж амьдралаа залгуулж ирсэн тэдний хувьд НИТХ-д сонгогдоод ажил хийнэ гэж бодож байна уу, үгүй шүү дээ. Харин ч дотор нь ороод авбал жинхэнэ бусниулна.  

Товчхондоо, бүрэн дунд боловсролгүй, удаа дараа гэмт хэрэгт холбогдож настай хүний утас дээрэмдэж ял авч байсан О.Отгонтөгс иргэдийн төлөөлж НИТХ-д суух чадамжтэй нэгэн биш гэдэг нь тов тодорхой.

Тиймээс нийслэлчүүд сонголтондоо эзэн нь байж, ажил хийх, ачаа үүрэх, хариуцлага хүлээх ёс зүйтэй хүмүүст л итгэл үзүүлдэг юм шүү. Хэрэв зөв сонголт хийж чадахгүй бол утаатай, түгжрэлтэй Улаанбаатартаа амьдарсаар л байх болно.