УИХ-ын сонгуульд оролцох 19 нам, хоёр эвслийн мөрийн хөтөлбөр нийтэд ил болжээ. Өнөөдрөөс эхлэн сонгуулийн сурталчилгаа хуулийн дагуу албан ёсоор эхэлж байна.

2024 оны УИХ-ын сонгуульд өрсөлдөх нам эвслүүдийн мөрийн хөтөлбөр гарчээ. Ингээд АН-ын мөрийн хөтөлбөрөөс танилцуулж байна.

Тухайлбал:

• Монгол хүний дундаж наслалтыг "80+" хүргэх стратеги боловсруулна
• "Хүүхдийн мөнгө" хөтөлбөрийг үргэлжлүүлнэ
• Тэтгэврийн доод хэмжээг нэмэгдүүлэх бодлого үргэлжлүүлнэ
• Үнийн өсөлтийг хязгаарлаж инфляцийн түвшинг нэг оронтой тоонд тогтворжуулна
• Гадаад валюттай харьцах төгрөгийн ханшийн тогтвортой байдлыг хангана
• Зээлийн хүүг бууруулах эрхзүйн орчныг бүрдүүлнэ
• "Шүршүүр-Жорлон" хөтөлбөрийг тухайн бүс нутагт үйл ажиллагаа явуулж байгаа шатахуун түгээх станц болон өргөн хэрэглээний бараа, бүтээгдэхүүнийг дэлгүүрүүдэд санал болгож хамтран хэрэгжүүлнэ,
• Боловсролын салбарын дэлхийд өрсөлдөх чадварыг дээшлүүлж одоо байгаа олон улсын түвшнээс 20 байраар урагшлуулна
• Улаанбаатар хотод байгаа дээд боловсролын байгууллагуудын байршлыг хэвээр үлдээж, харин шинээр байгуулагдах бүсийн төв бусад хотуудад олон улсын боловсролын шинэ үүсгэл санаачилгыг бодлогоор дэмжинэ
• Нийгмийн даатгалын шимтгэлийг ажил, хөдөлмөрийн бүх төрлийн гэрээт ажлын хөлснөөс суутган тооцохыг зогсоож, зайнаас болон цагаар ажиллах боломжийг бүрдүүлнэ
• Сэтгүүлчийг хэвлэн нийтэлснийх нь төлөө хорьж цагддаггүй хууль эрхзүйн орчныг бүрдүүлнэ
• Байгалийн баялгаас орж буй орлого, төсөв тендерийг иргэдээр хэлэлцүүлдэг шинэ тогтолцоонд гаргана

"Ардчилсан нам"-ын мөрийн хөтөлбөртэй ЭНД дарж танилцана уу.