Н.Хүрэлбаатар : Монгол Улсыг “Монгол хүн“ л хөгжүүлнэ.Тиймээс хүний хөгжил рүү онцгойлон анхаарч ажиллана
УИХ-ын сонгуулийн 11-р тойрогт МАН-аа намаас нэр дэвшигч АШУҮИС-ийн багш доктор, профессор, эмч Н.Хүрэлбаатар үнэмлэхээ гардан авлаа. Ингэснээр сонгуулийн сурталчилгаа албан ёсоор эхэлж байгаа юм.
Энэ үеэр эмч Н.Хүрэлбаатар "Монгол улсад 2024 оны УИХ-ын ээлжит сонгууль эхэллээ. УИХ-д нэр дэвшинэ гэдэг хариуцлагын асуудал гэж би хувьдаа үзэж байна. Улс эх орны хөгжил нэн ялангуяа хүний хөгжлийн асуудалд онцгойлон анхаарч ажиллах ёстой юм. Хүний хөгжил эрүүл, чийрэг биетэй саруул ухаантай иргэдээр хэмжигднэ нэн тэргүүнд. Дээр нь мэргэжил олгох мэргэжил эзэмших асуудалд онцгойлон анхаарах хэрэгтэй.
Ер нь бол Монгол улсыг монгол хүн л хөгжүүлнэ. Миний бие Монгол улсын хөгжлийн төлөө ажиллана гэдэгтээ илтгэлтэй байна.
Монгол Ардын намын мөрийн хөтөлбөрт "Хүний хөгжөл"-ийг нэгдүгээрт тавьсан. Эрүүл мэнд, боловсролын тал дээр онцгойлон анхаарч хүнээ хөгжүүлснээр Монгол улс хөгжнө гэсэн цаад агуулга явж байгаа юм.
"Хүнээ хөгжүүлнэ" гэхээр эрүүл мэнд боловсролыг нэгдүгээрт тавихаас гадна орчныг нь бүрдүүлж ээлтэй орчинд амьдрах боломжоор хангаж өгөх учиртай. Агаар ус хөрсний бохирдлын асуудлыг шийдэх цаашлаад хүний амьдралын чанарыг дээшлүүлэх асуудал дээр онцгойлон анхаарч байгаа.
МАН-ын мөрийн хөтөлбөрт тухайлан нийтийн эрүүл мэнд, нийгмийн эрүүл мэндийн чиглэлээр цогцолбор арга хэмжээ авч өвчин эмгэгээс урьдчилан сэргийлж үр дүнд нь ард иргэдийн амьдралын чанарыг сайжруулах тал дээр онцгойлон анхаарахаар тусгасан. Дээр нь нэмээд эмнэлгийн тусламж үйлчилгээг чанартай хүртээмжтэй хүргэх тал дээр онцгойлон анхаарна." гэв.
![](https://www.arslan.mn/files/banner/l4el9pgasn.gif)
![Like an post](templates/img/comment/like.png)
![Love an post](templates/img/comment/love.png)
![haha an post](templates/img/comment/haha.png)
![wow an post](templates/img/comment/wow.png)
![yay an post](templates/img/comment/yay.png)
![sad an post](templates/img/comment/sad.png)
![ouch an post](templates/img/comment/ouch.png)
![confuse an post](templates/img/comment/confused.png)
![angry an post](templates/img/comment/angry.png)