УИХ-ын 2024 оны сонгууль болоход 20 гаруй хоногийн хугацаа үлдээд байгаа билээ.

Гэтэл МАН-ын жасгаалтын 9 дүгээрт бичигдсэн МҮХҮАТ-ын Ерөнхийлөгч Д.Энхтүвшин нэрээ татах гэж байгаа агуулга бүхий жиргээг өнөөдөр өглөө оруулсан.

Энэ талаар тэрбээр өөрийн цахим хуудсаараа  "Сонгуулийн өмнө тухайлан зарим хувийн компаниудын өмч хөрөнгийн эрх, хөдөлгөөнийг “улс төрийн” шинжтэй хязгаарласаар байхад хувийн хэвшлийн эрх ашгийг хамгаалах ёстой байгууллагыг удирддаг хүний хувьд эрх барьж буй намаас сонгуульд нэр дэвших нь ёс зүйгүй санагдаж байна" хэмээн жиргэжээ.

Тэгвэл Сонгуулийн тухай хуульд зааснаар "Нэр дэвшигчээр бүртгэх тухай шийдвэр гарснаас хойш нэр дэвшигчээс татгалзахыг хориглоно" гэж цагаан дээр хараар тодоор бичиж өгсөн. Үүнээс харахад, шударга дүр эсгэж буй  “Шарк“ Д.Энхтүвшингийн энэ удаагийн жиргээ нь  ээлжит нэгэн "попрол" нь байх бололтой.

Сонгуулийн өмнө тухайлан зарим хувийн компаниудын өмч хөрөнгийн эрх, хөдөлгөөнийг “улс төрийн” шинжтэй хязгаарласаар байхад хувийн хэвшлийн эрх ашгийг хамгаалах ёстой байгууллагыг удирддаг хүний хувьд эрх барьж буй намаас сонгуульд нэр дэвших нь ёс зүйгүй санагдаж байна.— Tuvsche (@tuvsche) June 7, 2024