Д.Сосорбарам: Ардчилал, эрх чөлөөг АН-аар устгах ажиллагааг Х.Баттулга гүйцэтгэж байна
АН-ынхан УИХ-ын сонгуульд нэр дэвшигчдийг тодруулахдаа олон хууль зөрчсөн гэдгийг Үндэсний бодлогын хорооны гишүүд зарлалаа. Тодруулбал, АН-ын Үндэсний бодлогын хорооны гишүүн, Төрийн шагналт Д.Сосорбарам нарын зүгээс Х.Баттулга, Н.Алтанхуяг тэргүүтэй 38 хүн АН-ын нэрийн өмнөөс нэр дэвших эрхгүй бөгөөд хууль зөрчсөн үйлдэл боллоо хэмээн мэдээллээ.
Учир нь АН-ын дүрмийн дагуу “Намын гишүүн бөгөөд Үндэсний бодлогын хорооны гишүүн хүн АН-ыг төлөөлөн УИХ-ын сонгуульд нэр дэвших эрхтэй” гэж заасан байдаг аж.
Гэтэл АН-ын Үндэсний бодлогын хорооны байтугай намын гишүүний батлах ч үгүй олон хүнд нэр дэвших, жагсаалтад бичигдэх эрх олгож байгаа нь намын дүрмээ зөрчөөд зогсохгүй Сонгуулийн хуулийг ч давхар зөрчсөн үйлдэл учраас АН-ын албан ёсны гишүүд дэмжигчдийн өмнөөс СЕХ-нд хандаж байгаагаа илэрхийллээ.
Улмаар Сонгуулийн болон Улс төрийн намын тухай хуулийг зөрчсөн гэдэг үндэслэлээр Улсын Дээд шүүхэд ч давхар хандахаа мэдэгдэв. Энэ үеэр Төрийн шашгналт Д.Сосорбарам “Ардчилал, эрх чөлөөг АН-аар устгах, Монгол Улсын үндэсний аюулгүй байдал тусгаар тогтнолд заналхийлсэн явдал болж байна. Үүнийг гардан гүйцэтгэж, биелүүлдэг хүн нь Х.Баттулга” хэмээн мэдэгдлээ. Хэдийгээр нэр дэвшүүлэх процесс дууссан ч засаж залруулах боломж цаг хугацааны хувьд байгаа учраас нэр бүхий хүмүүсийг буцаан татах хэрэгтэй гэлээ. Тодруулбал, Х.Баттулга, Н.Алтанхуяг, Ж.Батзандан, Л.Мөнхбаясгалан, С.Ганбаатар нарыг АН-ын нэрийн өмнөөс УИХ-д сонгуульд дэвших эрхгүй гэдгийг хэлээд тэдний нэрийг буцаан татахыг намын удирдлагуудаас шаардлаа.
![](https://www.arslan.mn/files/banner/4gckvvmc1p.gif)
![Like an post](templates/img/comment/like.png)
![Love an post](templates/img/comment/love.png)
![haha an post](templates/img/comment/haha.png)
![wow an post](templates/img/comment/wow.png)
![yay an post](templates/img/comment/yay.png)
![sad an post](templates/img/comment/sad.png)
![ouch an post](templates/img/comment/ouch.png)
![confuse an post](templates/img/comment/confused.png)
![angry an post](templates/img/comment/angry.png)