МАН-аас урваж Шинэ намаас дэвшихээр болсон дэд сайд асан Ж.Цолмон гэж ХЭН БЭ
УИХ-ын 2024 оны сонгуульд горлогчид ч амь орж эхэлсэн. Тэднийг нэг нь нэгэн үед МАН-ын генсект хүртэл нэр дэвшиж, намынхаа буянаар сайд, дарга болж явсан одоо ШИНЭ намын дэд дарга Ж.Цолмон.
Эрүүл мэндийн дэд сайд асан Ж.Цолмон МАН-ын гишүүнчлэлээсээ өнгөрсөн жил гарч, Шинэ намын дэд даргаар томилогдсон. МАН түүнийг хамгийн сүүлд Анагаахын шинжлэх ухааны үндэсний их сургуулийн захирлаар томилж байсан ч тэрбээр Шинэ намын жагсаалтаар гишүүн болохоор жилийн өмнөөс бэлтгэлээ базаагаад буй.
Тэрээр хэвлэл мэдээллийнхэнд "Хиймэл оюун ухаанд бид захирагдах уу, бид захирах уу" гэх агуулга бүхий яриа өгч харагдана.
Түүний хувьд С.Баяр, С.Батболдын Засгийн газарт Эрүүл мэндийн дэд сайдаар ажиллаж байгаад МАН-аасаа гараад зогсохгүй УИХ-ын гишүүн асан Ж.Батзандан, Л.Болд нарын байгуулсан Шударга иргэдийн нэгдсэн эвсэл буюу ШИНЭ намын дэд даргаар сонгогдсон.
Намынхаа ивээлд дор хэсэг намирж ЭМЯ-ны дэд сайдын албан тушаалд очиж олны эгдүүцлийг хүргэж байсан бол хэсэг хугацааны дараа дахиад л гарч ирэн АШУИС-ын захирлын суудалд хэл амтай тухалсан бүсгүй.
Тодруулбал, 2019 онд АШУҮИС-ийн захирлаар ажиллаж байсан Г.Батбаатарыг БСШУС-ын сайд Ц.Цогзолмаа үндэслэлгүйгээр ажлаас чөлөөлж Эрүүл мэндийн дэд сайд асан Ж.Цолмонг томилсон. Үүнээс үүдэж захирал асан Г.Батбаатар шүүхэд гомдол гаргаж гурван шатны шүүхээр түүнийг үндэслэлгүй халсан нь тогтоогдсон. Ийнхүү АШУҮИС-ийн захирал Ж.Цолмон шүүх дээр ялагдаж, ажлаа хүлээлгэн өгөхөөс аргагүй болсон байдаг.
Тэрээр үүгээр ч зогсоогүй тухайн үед АШУИС-ын “Холл” хэсэгт “Circle K” сүлжээ түргэн хоолны газар нээж шүүмжлэлд өртөөд авсан. Тэрхүү сүлжээ газрыг нээсэнд шүүмжлэлтэй хандаж сошиалд жиргэсэн сургуулийнхаа хүндэт багшийг ажлаас халж, эрх мэдлээрээ далайлган багш, ажилчдын үг хэлэх эрхийг боон суудаг гэх яриа ч их гарсан.
Мөн тухайн үед тэрээр “Цензургүй яриа” нэвтрүүлэгт орж намдаа олон жил зүтгэсэн юм чинь яагаад дарга болж болохгүй гэж гэх мэтээр ярьсан нь намын нөхдийг нь өөрийнх нь эсрэг тавьсан байх гэх яриа ч бий.
![](https://www.arslan.mn/files/banner/4gckvvmc1p.gif)
![Like an post](templates/img/comment/like.png)
![Love an post](templates/img/comment/love.png)
![haha an post](templates/img/comment/haha.png)
![wow an post](templates/img/comment/wow.png)
![yay an post](templates/img/comment/yay.png)
![sad an post](templates/img/comment/sad.png)
![ouch an post](templates/img/comment/ouch.png)
![confuse an post](templates/img/comment/confused.png)
![angry an post](templates/img/comment/angry.png)