УИХ-аас зохион байгуулж байгаа хоёрдахь шатны "Нүүрсний сонсгол" өнөөдөр  гурав дахь өдрөө үргэлжилж байна.

Нээлттэй сонсголын эхэнд “Тавантолгой түлш” ХХК болон төсвийн шинжтэй санхүүжилтийн талаар шинжээчийн дүгнэлтийг сонслоо. Энэ асуудалд НИТХ-ын дарга Ж.Батбаясгаланг гэрчээр дуудсан ч  ирээгүй байна.Харин Тавантолгой түлш ХХК-ийн Гүйцэтгэх захирал асан М.Ганбаатар утсаа салгасан байна хэмээсэн ч хоцорч ирсэн юм.

НИТХ-ын дарга Ж.Батбаясгалангийн хувьд  Т.Бадамжунайн охин Б.Оюунбилэг нартай хамтарч "Алтанхот" ББСБ-ыг 2005 онд байгуулж байжээ. Одоо уг ББСБ-ыг Т.Бадамжунайн охин үйл ажиллагааг нь хариуцан авч явж байна. Уг ББСБ-нд Тавантолгой түлш ХХК-ийн ТУЗ-ийн гишүүн Л.Одхүүгийн эхнэр мөн хамтран үүсгэн байгуулцаж байжээ.

Энэ бүхнээс харахад Т.Бадамжунайн гэр бүл, хамаарал бүхий этгээдүүд Тавантолгой түлш ХХК-ийг өөрсдийн АТМ машин болгон ашигласаар өнөөг хүргэсэн гэдгийг харж болохоор байна.