АН-ын дарга Л.Гантөмөр, Тэргүүн дэд дарга С.Баярцогт, ҮБХ-ны дарга Ж.Батсуурь нар ҮБХ-ны хурлаас гаргасан шийдвэрийг мэдээл хийлээ. Энэ үеэр Тэргүүн дэд дарга С.Баярцогт дараах мэдээллийг өглөө.

Тэрбээр "Монгол Улсын улс төрийн намуудын амьдрал гурван том хуулиар бүхэлдээ өөрчлөлт орж байгаа. Энэ хуулиуд батлагдсаны дараа манай намын Үндэсний бодлогын хороо 504 гишүүнтэй болсон. Анх удаа энэ хэмжээний бүрэлдэхүүнтэй хуралдлаа. Улс төрийн зөвлөл 50 орчим гишүүнтэй. Энэ бүтэц Ардчилсан намын сонгуулийн мөрийн хөтөлбөр, стратегийг боловсруулж, бодлогын удирдлагаар хангаж ажиллана.

Бид боловсрол, хөдөө аж ахуй, эрүүл мэндийн салбарыг төлөөлж чадах хүнийг сонгуульд нэр дэвшүүлнэ. Мөн намын гишүүдээс санал асуулга авна. Хамгийн өндөр санал авсан хүмүүс АН-ын жагсаалтад нэр нь багтана. Маш сайн шинэчлэгдсэн жагсаалт гарна" гэв.