Ардчилсан намын Үндэсний бодлогын хорооны ээлжит бус хуралдаан өчигдөр орой болтол хуралдаж нэг тэргүүн дэд дарга, 15 дэд дарга, ҮБХ-ны Тамгын газрын дарга нараа томилов.

Тодруулбал, намын дарга Л.Гантөмөр дэд даргаараа С.Баярцогтыг, ҮБХ-ны Тамгын газрын даргаар С.Батзаяаг, 15 дэд дарга томилохоор нэрсийг нь танилцуулж, ҮБХ баталгаажуулсан юм. 

Тухайлбал,

• Ардчилсан намын тэргүүн дэд даргаар С.Баярцогтыг,
• Ардчилсан намын дэд даргаар Р.Амаржаргал, С.Буяндэлгэр, Ч.Өнөрбаяр, Ц.Жадамбаа, И.Мөнхжаргал, Ш.Жандос, О.Алтангэрэл, П.Галиндэв, Ж.Баярмаа, П.Батчимэг, Э.Одбаяр, Т.Пүрэвхатан, Ш.Түвдэндорж, Ц.Уртнасан, Р.Эрдэнэбүрэн нарыг тус тус томилсон.

Харин тэднээс Ерөнхийлөгч асан Х.Баттулга АН-ын дэд даргад П.Галиндэв, Т.Пүрэвхатан, О.Алтангэрэл, Ш.Түвдэндорж гэсэн 4 хүнийг нэрийг дэвшүүлж, АН-ын тэргүүн дэд даргаар УИХ-ын гишүүн С.Ганбаатарыг томил гэсэн шахалтыг Л.Гантөмөрт үзүүлээд байсан.

Тэгвэл Х.Баттулгын хүсэл биелж, О.Алтангэрэл, П.Галиндэв, Т.Пүрэвхатан, Ш.Түвдэндорж нар ДЭД ДАРГА боллоо.