УИХ-ын гишүүн Т.Тогтохсүрэн Сонгуулийн хуульд оруулсан нэмэлт, өөрчлөлт оруулах хуулийн төслийг батлагдсантай холбогдуулан өнөөдөр /2023.06.20/ мэдээлэл хийлээ.

Тэрбээр "Өнгөрсөн тавдугаар сарын 31-нд Үндсэн хуульд өөрчлөлт орсон. Энэ хуулийн дагуу УИХ-ын гишүүдийн тоо нэмэгдсэн. Сонгуулийн тогтолцоог холимог байхаар хуульд тусгасан.

УИХ-д хоёр хуулийн төсөл өргөн барьсан. МАН болон АН-ын гишүүдийн өргөн барьсан хуулийн төслийг хэлэлцсэн. Нэмэлт өөрчлөлтүүдээс заримыг нь онцолъё.

• Жагсаалтаар сонгоход Монгол Улсын тойрог нэг байна
• Гадаадад байгаа сонгогчид зөвхөн жагсаалтад санал өгнө, тойрогт өгөх боломжгүй
• Сонгогчдын нэрсийн жагсаалтыг санал авах өдрөөс 20 болон гурав хоногийн өмнө нэр дэвшигчдэд цахимаар өгнө
• УИХ дахь Сонгогчдын нэрсийн жагсаалт, бүртгэл хяналтын дэд хороог цөөнх ахална
• Эмэгтэйчүүдийн квот 20 байсныг 30 хувь болгон нэмлээ
• Сонгуулийн сурталчилгаанд ашиглах тээврийн хэрэгслийг хоёр, хэвлэлийн хуудсыг хоёр болгож бууруулсан
• Телевиз, радиогийн мэтгэлцээнийг үнэ төлбөргүй байлгана
• Саналын хуудас хоёр хэсэгтэй. Тойрогт болон нам эвсэлд өгнө. Бэхэн тэмдэглэгээтэй болж байгаа
• Сонгуулиар санал авах ажиллагаа дууссаны дараа бүх хэсэгт хяналтын тооллого хийнэ" гэв.