Дээд шүүхийн нийт шүүгчийн өчигдрийн хуралдаанаар иргэн Б.Жагараас ирүүлсэн “Сайн ардчилсан иргэдийн нэгдсэн намыг улсын бүртгэлд бүртгүүлэх” тухай өргөдлийг хэлэлцээд баримт болон намын дүрэм, мөрийн хөтөлбөр нь Монгол Улсын Үндсэн хууль, Улс төрийн намын тухай хууль, Хуулийн этгээдийн улсын бүртгэлийн тухай хуулийг зөрчөөгүй гэж үзсэн тул уг намыг улсын бүртгэлд бүртгэж, гэрчилгээ олгохоор шийдвэрлэжээ.

Сонгууль ойртохоор "шантаажчид" амь ордог бөгөөд тэдний тод жишээ нь Хан-Уул дүүргийн Иргэдийн төлөөлөгчдийн хурлын төлөөлөгч Б.Жагар юм.

Учир нь түүнийг жагсагч гэдгээр нь монголчууд сайн таних байх. Хаана л жагсаал, цуглаан болно, тэнд Б.Жагар явж байдаг байлаа. 

Б.Жагар ч хувьдаа намтай болохоор зүтгэж буйн цаана сонгууль тойрсон асуудал нуугдаж байхыг ч үгүйсгэхгүй.