С.ЭРДЭНЭ: АН-ын даргын суудлыг булаацалдаагүй. Хууль ёсоор нь хүлээлгэж өгөх гэж 3 удаа оролдлоо
УИХ-ын гишүүн Д.Ганбат, Ардчилсан намын дарга асан С.Эрдэнэ нар яг одоо цаг үеийн асуудлаар мэдээлэл хийж байна. Ардчилсан намын дарга асан С.Эрдэнэ мэдээллийн үеэр "Хэсэг бүлэг хүмүүс 200 гаруйхан хүн цуглуулаад 100 гаруйхан хүний саналаар АН-ын 200 гаруй мянган иргэнийг төлөөлөх даргыг сонгодог юм бэ. Тэдгээр хүмүүс Дээд шүүхэд бичгээ өгсөн юм уу. Хууль ёсны юу ч бүрдүүлж өгөөгүй байж, Ардчилсан намын даргаар Л.Гантөмөр гээд явж байдаг юм бэ. Хэн гэдэг хүн хаанаас энэ хүнийг дэвшүүлээд Дээд шүүх ямар үндэслэлээр энэ хүнийг бүртгэж авсныг бид ойлгохгүй байна.
Ийм замбараагүй ширэнгийн хуулиар явж болохгүй. Хууль дээдлэх зарчмаар ажиллах ёстой. АН-ын даргын суудлыг булаацалдаад байгаа зүйл надад байхгүй. Хууль ёсоор нь хүлээлгэж өгөх гэж 3 удаа оролдлоо.
Бид 02 дугаар сарын 18-нд хүндэтгэлийн хуралдааныг зохион байгуулна. Энэ хуралдаанаар өөрсдийгөө АН гэж үзэж, хууль бус үйлдэл гаргаж байгаа этгээдүүдийн үйлдлийг АН-ын Үндэсний бодлогоор авч хэлэлцэнэ. Захиргааны шүүхэд хандана. Сая гаргасан УДШ-ийн шийдвэрийг тогтоол гэж ойлгоод байх шиг байна лээ. Энэ бүртгэлтэй холбоотой гаргасан шийдвэр нь Захиргааны эрх зүйн акт." гэдгийг онцоллоо.
![](https://www.arslan.mn/files/banner/4gckvvmc1p.gif)
![Like an post](templates/img/comment/like.png)
![Love an post](templates/img/comment/love.png)
![haha an post](templates/img/comment/haha.png)
![wow an post](templates/img/comment/wow.png)
![yay an post](templates/img/comment/yay.png)
![sad an post](templates/img/comment/sad.png)
![ouch an post](templates/img/comment/ouch.png)
![confuse an post](templates/img/comment/confused.png)
![angry an post](templates/img/comment/angry.png)