УИХ-ын Төрийн байгуулалтын байнгын хорооны дарга Ж.Мөнхбат УИХ-ын гишүүний бүрэн эрхээсээ татгалзах хүсэлтээ өгсөн. Үүнтэ холбоотойгоор Ерөнхийлөгчийн хориг, Ж.Мөнхбат гишүүний хүсэлтийг хэлэлцэхээр ээлжит бус чуулган хуралдах уу гэсэн хүлээлт байна.

Тэгвэл үүнтэй холбогдуулан УИХ дахь МАН-ын бүлгийн дарга Д.Тогтохсүрэн сэтгүүлчдэд мэдээлэл өгөх үеэр  "Ж.Мөнхбат УИХ-ын гишүүнээсээ чөлөөлөгдөх хүсэлтээ УИХ-ын даргад өгсөн юм байна. Бид өнөөдөр л мэдээлэл авлаа. Энэ асуудлыг УИХ-аар хэлэлцэнэ. Ж.Мөнхбат гишүүнийг чөлөөлөх эсэхийг чуулган шийднэ. Ээлжит чуулган эхлэхээр энэ асуудал яригдах байх.

Ерөнхийлөгчийн хоригийн тухайд ээлжит бус чуулган хуралдахгүй. Хаврын чуулганаар хоригийг хэлэлцэнэ." гэв.