Эдийн засгийн хөгжлийн сайд Ч.Хүрэлбаатар цахим хуудастаа нүүрсний хулгайн автор бол Ерөнхийлөгч асан Х.Баттулга гэдгийг долоон хоногийн өмнө нь бичиж байсан бол өчигдөр түүнийг гадаад руу зугтсан нь үнэн гэв.

Тэрбээр, Х.Баттулга арванхоёрдугаар сарын 18-ны 10:00 цагийн үед хилээр гараад зугтаасан нь үнэн. Албаны хүмүүсээс тодруулахад, зугтсан нь үнэн гэнэ.

Авлигатай тэмцэх газарт яллагдагчаар татагдаж байцаалт өгч байгаа гэсэн. Холбогдоод байгаа нүүрсний хулгай, Хөгжлийн банкны хэрэг, төмөр замын хэрэг яах вэ? Х.Баттулга 2017-2021 онуудад ерөнхийлөгчөөр ажиллахдаа Таван толгойн нүүрсний эзэн шиг л байлаа. “ЭТТ” компани, төмөр замын дарга нар ханарч унаад, дагаж гүйгээд баатар гавъяат болсон. Өөртэй нь үзэл бодол нэг биш хүмүүсийг шоронгоор айлгаад л. УИХ-ын бизнесмен гишүүд өргөл барьцаа түүнд барьж гүйж, үнэнчээ илтгэж тангараг өргөөд л. Хэсэг хүмүүс өрөөнд нь орохдоо 90 градусаас дээш өнцөг үүсгэж бөхийгөөд л…

Женко бол зүгээр л нүүрсний хулгайн автор шүү дээ. Монгол төрийн эмгэнэл”  гэжээ.

Х.Баттулга өглөө 10 цагийн үед хилээр гараад зугатаажээ. Албаны хүмүүсээс тодрууллаа. Зугтаасан нь үнэн гэнэ. АТГ-д байцаалт өгч байна л гэсэн, яллагдагчаар татагдлаа л гэсэн. Нүүрсний хулгайн хэрэг? Хөгжлийн банкны хэрэг? Төмөр замын хэрэг? Энэ бүгд яах вэ?— Khurelbaatar Chimed (@KhurelbaatarCh) December 18, 2022