Өнөөдөр МАН-ын бүлгийн хурлын дараа Удирдах зөвлөл хуралдах тов гаргасан. МАН-ын хөшигний ард хамгийн сүүлийн байдлаар дараах хувилбарууд яригдаж байна. Үүний нэг нь дан дээлтэй дөрвөн сайд үлдээх нь тодорхой болжээ. 

Харин дөрвөн сайдын лимитээ барихын тулд БОАЖ-ын сайд Б.Бат-Эрдэнэ, ХНХ-ын сайд А.Ариунзаяа нараас нэгийг нь авч үлдэх тохироо яригдаж байна. Б.Бат-Эрдэнийн хувьд өмнө нь ЗГХЭГ-ын дэд даргаар ажиллаж байхдаа ЖДҮ-д холбогдож албан тушаалаасаа огцорч байсан бол А.Ариунзаяагийн хувьд МАН-ын генсек Д.Амарбаясгалан авч үлдэхээр хүч хаяж буй. 

БОАЖ-ын сайдын албан тушаалыг Л.Оюун-Эрдэнэ нөгөө намдаа бэлэг болгон өгч магадгүй хэмээн бас яригдаж байна. Хэрэв өөрийн намын хүнээ тавина гэвэл УИХ-ын гишүүн Б.Саранчимэг очих магадлал өндөр байна. Харин ХНХ-ын сайдын суудал эзгүйрвэл УИХ-ын гишүүн С.Чинзориг очих магадлал өндөр байна.