Сүүлийн үед Ерөнхийлөгч асан Х.Баттулгатай холбоотой гэх хэд хэдэн асуудал яригдах болсон. Тэгвэл түүнээс тайлбар авахаар АТГ-ын Мөрдөн шалгах хэлтсийн мөрдөгчид хоёр удаа дуудсан боловч  Х.Баттулга очоогүй байсан талаар бид өмнө мэдээлж байсан. 

Тэгвэл эх сурвалжийн өгүүлж буйгаар Х.Баттулгад холбогдох хэргийн материалууд бараг бүрдэж дууссан тул баривчлах нь цаг хугацааны асуудал болсон гэнэ.

Хамгийн гол нь Ерөнхий Сайд Л.Оюун-Эрдэнэ Ерөнхийлөгч асан Х.Баттулгад хариуцлага тооцох нь зөв гэдэг байр сууринд хатуу байгаа бололтой.

Эх сурвалжийн мэдээллээр АТГ-ынхан Х.Баттулгын Гашуунсухайтын төмөр замыг гацаасан хэргээс гадна Хөгжлийн банкны зээлтэй холбоотой хэрэг ч  давхар үүсгэсэн байна.