”Улаан хацарт” Ц.Батбаярын үед Хулан гэдэг эмэгтэй Сүхбаатарын талбайг дундуур нь хуваан “Кердит” банкинд барьцаалан улмаар Худалдаа хөгжлийн банкны мэдэлд очсон түүхтэй.

Нэг хэсэг Сүхбаатарын талбайн урд хэсэг ноолорч Хотын зүгээс тордож арчилахаа байсан. Энэ нь хувийн өмч гэсэн бодлогоор орхигдуулж байсан гэдэг.

Одоогийн Шадар сайд С.Амарсайхан хувийн эзэмшилд очсон талбайн урд талд зөөврийн устай гэгдэх Усан оргилуурыг барих шийдвэр гарсан. Түүнийг усан оргилуур барих шийдвэр гаргахтай зэрэгцэн эсэргүүцэл тэр ч бүү хэл жагсаал болж байв.

Үүний цаана Д.Эрдэнэбилэг Төрийн ордонтой барьцан цайз хэрмээ барих гэсэн хэрэг. Үүнээс үүдэн С.Амарсайхан хийгээд энэ муу усан оргилуур сайн нэрийг дуулсангүй. Хотын төвийн орчинг чийгшүүлсэн, хөгжмийн аяар оргилдог Метрополис хотод байх л таатай орчин.

Гэвч Худалдаа хөгжлийн банкны эзэн Д.Эрдэнэбилэг мөчөөгөө өгөлгүй шүүхдэн төв талбайд автозогсоол ажилуулсан байдаг. Үүний цаана талбайг өгөхгүй, цаг хожих гэсэн явцуу эрх ашиг бий. Төв шугамтай холбогдсон Усан оргилуурыг (Эхлээд лаг шороог нь цэвэрлэх гэж ус зөөж ирдэг юм билээ) гоочлоод байгаа нь “Сахал” Эрдэнэбилэгийн санаархал, хэвлэлийн багийн ажиллагаа явж байгаа хэрэг.

Мөн С.Амарсайхан Драмын театрын талбай, Элдэв-Очир кино театрын газруудыг ХХБ-наас булаан авч эргэлт буцалтгүй дайсан болсон. Газрын маргаан зарга өдгөө хүртэл явагдаж хуулийнхан ХХБ-ны талд шийдэж чадахгүй цагийн аясыг харсаар байгаа юм. С. Амарсайхан Эрдэнэт, Төмөрлөгийн үйлдвэр, Хөтөл зэргийг буцаан авахад оролцсон учраас түүнийг “Сахал” болон МАНАН бүлэглэл сайшаахгүй байх нь тодорхой.

Улс төр болоод байгаа Усан оргилуурын хувьд “Сахал” Эрдэнэбилэгт талбайгаа өгөхгүй гэсэн Шадар сайдын “шав” тавьсан бодлого байлаа.