УИХ дахь АН-ын бүлэг ээлжит хуралдаанаараа хэлэлцэн шийдвэрлэсэн асуудлаа танилцууллаа. Тус бүлгийн дарга Д.Ганбат "2022 оны төсөвт орлого олж эдийн засгаа тэлэх санал санаачилга бага байгаа. Харин "Ирээдүйн өв сан"-гаас хөрөнгө гаргаж хүүхдийн мөнгөн тэтгэмжийг санхүүжүүлэх гэж байна. Энэ сангаас 2030 он хүртэл хөрөнгө гаргахгүй байхаар анх хуулийг нь баталсан. Гэтэл ийм зүйл хийж байгаа нь буруу. Үүний оронд шаардлагагүй хөрөнгө оруулалтуудаа хойшлуулж болох байсан. Тиймээс манай намын бүлэг энэ долоо хоногт төсвийн хэлэлцүүлгээс завсарлага авахаар төлөвлөсөн.

Харин Эрээний боомт хэзээ хэвийн ажиллаж эхлэхийг БНХАУ-ын Элчин сайдаас тодруулсан. Ингэхэд манай улс халдварын нөхцөл байдлыг барьж, буурууж, шинжилгээ нь БНХАУ-ын лабораториудтай таараад байх юм бол 21 хоногийн дотор нээнэ гэсэн.  Бусад улс орнуудад ч адил нөхцөл барьж байгаа. Монгол Улсад онцгойлон таатай нөхцөл тавьж байгаа гэсэн юм.

Мөн Турк улсын Элчин сайдтай уулзсан. Эрх бүхий байгууллага нь зөвшөөрөл өгвөл карго ажиллуулах боломжтой гэдгээ мэдэгдсэн." гэв.