Сэтгүүлч М.Батбилэг МАН-ын дарга У.Хүрэлсүхтэй өчигдөр орой цаг үеийн асуудлаар ярилцлаа. 

Энэ үеэр цаг үеийн асуудлаар МАН-ын дарга У.Хүрэлсүх "Ц.Анандбазарыг гишүүнээс нь түтгэлзүүлээд шалгуул гэж намын даргын хувьд зарчмын байр сууриа илэрхийлсэн. Гэхдээ өөрөө өргөдлөө өгч байж эсвэл хууль хяналтын байгууллага түтгэлзүүлж байж шалгана. Үгүй бол намаас нь түтгэлзүүлэх асуудлыг хүртэл ярьж байгаа. Гэм буруугүй гэвэл намдаа эргүүлж авах асуудал яригдаж байгаа. Сү.Батболдод ч хэлсэн, оффшорын асуудлаа шалгуул гэж. Шалгаж байгаа юм билээ, мэдээлэл авсан." гэв.

Мөн тэрбээр  "Нэг өглөө босоод ирэхээр л нэг хүн зодчихсон байх юм. Би залуудаа бол үзчихдэг байсан, одоо бол Ерөнхий сайд асан, намын дарга, 50 гарсан хүн. Ёс зүй, нас намба, хашсан бол хашиж буй албан тушаалаа бодсон ч асуудлыг нударгаар шийдэхгүй. Би юу гэж Ерөнхий сайдаа барьж аваад балбаад байхав дээ" гэлээ.