Сонгууль ойртох тусах Монголын улс төр утгаараа "халж" байна. Нэр дэвших процесстой холбоотой маргаан АН-ынхан дунд өрнөж, үүнд нь олон нийт хүчээр татагдан орж ирлээ. Маргаан уг нь С.Эрдэнэ, Н.Алтанхуяг нарын дунд өрнөсөн ч одоо бүр улс төрийн түвшинд  АН хоорондоо алалцаад эхэллээ.

Учир нь М.Тулгат болон О.Цогтгэрэл тэргүүтэй Ардчилсан намынхан иргэдийг хоёр өөр газар ихээр цуглуулж улстөрийн жагсаалд оролцуулж байгааг эх сурвалж мэдээллээ.

Энэ талаар иргэд, залуучдаас тодруулахад талбай дээр болж байгаа жагсаалд оролцвол  хүн болгонд мөнгө өгнө гэсэн зар байсан болохоор ирлээ гэдгээ хэлээд буй. 

АН-ын дотоод хагаралдаан өлсгөлөн болон хувирсан бол  өнөөдрөөс  мөнгөний өрсөлдөөн рүү шилжжээ. Тодруулбал, яг одоогийн байдлаар талбай дээр өлсөж буй АН-ын бүлгийн гишүүдийг тойроод жагсагчид цугларч эхэлсэн бол нөгөө АН болох М.Тулгатын талаас “Шонхор товер”-ын гаднах талбайд 300 орчим хүнийг цуглуулаад байна.

Өлсөгчдийн  талаас хөл хориог сулруулахтай  зэрэгцэн иргэдийг цуглуулж, жагсаал цуглаан зохион байгуулахаар эртнээс төлөвлөсөн бол  С.Эрдэнийн тал ч мөн үүний эсрэг тэмцэхээр шийдсэн гэнэ. Ингэснээр Н.Алтанхуяг, А.Адьяасүрэн нарын санаачилгаар АН-ын бүлгийн гишүүд тус бүр 100 сая төгрөг гаргаж, жагсаал цуглааныг санхүүжүүлж эхэлсэн гэх мэдээлэл гарч эхэллээ.  

Харин тэдний энэ их мөнгө жагсагчдын ханшийг өсгөснөөр нэг хүн 60  мянган төгрөгийн бонустайгаар  жагсаал цуглаанд хүч нэмж байгаа юм байна. Ингэж АН-ын дотоод хагаралдаан их мөнгөний хүчээр  төв талбайд гарч ирлээ.