"Улаанбаатар Сонгдо" эмнэлгийн ерөнхий захирал, зүрхний мэс заслын их эмч Б.Болдсайхан УИХ-д суудалтай ХҮН-аас ерөнхийлөгчийн сонгуульд оролцох саналыг хүлээн авч байгаагаа мэдэгджээ.

Тэрээр “Зөв хүн Электорат”эвсэлээс Монгол Улсын Ерөнхийлөгчийн сонгуулид нэр дэвших санал ирсэн. Жирийн эмч, нам бус, иргэн хүний хувьд нэр төрийн санал байлаа, баярлалаа. Монгол Улс, сонгогч олны хүсэл зорилго, Үндсэн Хууль болон бусад хуулийг чанд мөрдөн хичээн зүтгэнэ” хэмээн бичсэн байна.

ХҮН-аас 2020 оны УИХ-ын сонгуульд бусад намуудтай нэгдэн, Зөв хүн элезторат эвслийг байгуулан оролцсон. Иймд тус эвсэл “Ерөнхийлөгчөө сонгоё” аяныг нээлттэй зарлан, иргэдээс хэнийг Ерөнхийлөгч болгох хүсэлтэйг асуусан юм. Санал асуулгад Дефакто буюу эдийн засагч Д.Жаргалсайхан,УИХ-ын гишүүн асан Д.Энхбат, эмч Б.Болдсайхан, УИХ-ын гишүүн асан Ц.Оюунгэрэл  нар хамгийн их санал авчээ.  Тиймээс дээрх хүмүүст нэрээ дэвшүүлэн, өрсөлдөх санал тавиад байгаа ч эцсийн шийд гараагүй байна.