Ерөнхийлөгчийн сонгуульд оролцох улс төрийн намууд энэ сарын 03-ны дотор нэр дэвшигчээ тодруулах хуулийн зохицуулалттай. Иймд АН-аас нэр дэвшигч тодроод байна. Хоёр удирдлагатай болоод буй Ардчилсан нам өчигдөр Ерөнхийлөгчид нэр дэвших хоёр хүнийг тодруулаад байгаа ч хэн нь албан ёсны нэр дэвшигч вэ гэдэг нь тодорхойгүй байна.

Харин МАН-ын бага хурал өнөөдөр зарлагдсан байна. Тус хурлаар МАНаас Ерөнхийлөгчийн сонгуульд нэр дэвшигчээ тодруулах юм.

Тус намаас МАН-ын дарга У.Хүрэлсүх, УИХ-ын гишүүн С.Батболд, Д.Сарангэрэл, Ч.Хүрэлбаатар, УИХ-ын дарга Г.Занданшатар нарын нэг нь нэр дэвшихээр өрсөлдөж байна гэж мэдэгдсэн. Гэсэн ч У.Хүрэлсүх МАНаас Ерөнхийлөгчийн сонгуульд нэр дэвших нь тодорхой болсон гэж зарим эх сурвалжууд мэдээлж байна.