2021 оны Ерөнхийлөгчийн сонгуулийн тухай хуулийн дагуу өчигдрөөс нам, эвсэл нэр дэвшигчээ тодруулах хугацаа эхэлсэн.

Тодруулбал, нам, эвсэлүүд дөрөвдүгээр сарын 30-наас тавдугаар сарын 2-ны хооронд нэр дэвшигчээ тодруулж, тавдугаар сарын 5-ны дотор Сонгуулийн ерөнхий хороонд баримт бичиг, мөрийн хөтөлбөр  хүргүүлэх ёстой юм.  

Тэгвэл Ардчилсан нам дотоод сонгууль явуулахтай холбогдуулан Р.Амаржаргал, Ц.Оюунгэрэл, Н.Алтанхуяг, С.Ганбаатар, С.Эрдэнэ, Д.Ганбат, Х.Тэмүүжин нар нэр дэвшихээр бүртгүүлээд байна.

Харин Монгол ардын намын хувьд энэ ням гарагт бага хурлаа хуралдуулж, Ерөнхийлөгчийн сонгуульд нэр дэвшүүлэх хүнээ тодруулахаар болжээ.