МАН-ын дэргэдэх НАМЭХ-ны ээлжит VII  чуулган өнөөдөр /2019.10.17/ 09.00 цагт Тусгаар тогтнолын ордонд эхэлсэн.

Энэ удаагийн хуралд 360 төлөөлөгч урилгаар оролцож байгаа юм байна.

МАН-ын 28 дугаар Их хурал болсноос хойш болж буй бодлого шийдвэр хэрэгжүүлэх үндсэн зорилготой ач холбогдол бүхий хурал хэмээн намын зүгээс үзэж буй юм. 

2011 оноос УИХ-ын гишүүн Д.Оюунхорол Ерөнхийлөгчөөр сонгогдон ажилласан. Харин 2014 оны 10 дугаар сард болсон ээлжит 6 дугаар чуулганаар УИХ-ын гишүүн Ц.Цогзолмаа Ерөнхийлөгчөөр сонгогдож, өдгөө тав дахь жилдээ ажиллаж байна.

Өнөөдрийн НАМЭХ-ны VII чуулганаар зохион байгуулалтын асуудал, дүрмийн томоохон өөрчлөлт орох хүлээлттэй байгаа бөгөөд Ерөнхийлөгчөө сонгох юм.