Ерөнхийлөгчийн Тамгын газрын дарга З.Энхболд төлөвлөсөн ажлуудаа хийсний дараа ажлаа хүлээлгэн өгч, сонгуулийн бэлтгэлээ хангана гэдгээ хэллээ.

Энэ талаар З.Энхболд “Сонгууль дөхөхөөр төрийн ажлыг өгөөд, сонгуульдаа бэлдэнэ. Миний эндэх ажил дуусаагүй байна. Үндсэн хуулийн өөрчлөлтийн ажлыг дуусгах ёстой. Путин ерөнхийлөгчийн айлчлал, дараа нь Владивостокийн уулзалт байна. Эдгээр тулгамдсан ажлуудаа дуусгасны дараа ажлаа өгөөд, сонгуульдаа бэлдэх тухай бодож байна. " гэжээ.

Харин түүний оронд Ерөнхийлөгчийн орон тооны бус зөвлөх, Монголын Хөлбөмбөгийн холбооны ерөнхий нарийн бичгийн дарга Ө.Шижирийг томилох нь баттай болсон талаар эх сурвалжууд мэдээлж байна.