МАН-ын бүлэг өнөөдрийн хурлаараа Сонгуулийн тухай хуулийн асуудлыг хэлэлцжээ. Ажлын хэсгээс гурван өөр сонгуулийг нэг хуулиар явуулах боломжгүй гэж үзсэн байна.

• Ерөнхийлөгчийн сонгууль,
• УИХ-ын сонгууль,
• Нийслэл сум дүүргийн ИТХ-ын сонгууль тус бүрдээ өөр өөр хуулиар сонгуулиа явуулах өөрчлөлт хийжээ.

Ингэхдээ дөрвөн өөр хувилбар гарган иржээ. Үүнд:

• 1-рт, том мажоритар
• 2-рт, бүсчилсэн тойрог
• 3-рт, жижиг мажоритар
• 4-рт улс нэг тойрог байх хувилбар оруулж ирсэн. Ингээд Монгол улс нэг тойрог байх нь зүйтэй гэдэг шийдвэрт хүрчээ. 76 гишүүн нэг тойргийн системээр ажилах нь зүйтэй гэдэг үүднээс дээрх шийдвэрт хүрсэн байна.

Санал өгөх нэг хүн 76 хүнийг дугуйлахгүй, нэг хүнийг дугуйлна. 700 хүн нэр дэвшинэ гэж тооцоход хамгийн олон санал авсан 76 хүн сонгогдох юм.  Гэхдээ ажлын хэсэг хуулиа хараахан эцэслээгүй байгаа бөгөөд эцэслээд УИХ-аар хэлэлцүүлэх юм.