Сүүлийн үед өрнөж буй үйл явдлуудад Ардчилсан нам байр сууриа илэрхийлж өнөөдөр /2019.03.06/ хэвлэлийн бага хурал хийлээ.

Ардчилсан намын ЕНБД Ц.Туваан : Ардчилсан нам нийгмийн суурь үнэт зүйлээ хамгаалахын төлөө хатуу зогсох болно

АН-ын даргаар ажиллаж байсан Н.Алтанхуяг болон Ардчилсан намаас хасагдсан хүмүүс намын талаар нэлээн гүтгэлэгийн шинжтэй зүйлүүдийг ярьж байна. Эрдэнэтийн 49 хувь, 60 тэрумтай холбоотой асуудалд Ардчилсан намыг холбоотой мэтээр хэвлэл, мэдээллийн хэрэгслээр тарааж байна. 60 тэрбумын асуудал дээр манай зүгээс шалгах нь зүйтэй гэдэг байр суурийг тогтмол илэрхийлж байсан. ЖДҮХС-тай холбоотой асуудал дээр УИХ-ын гишүүддээ нэн даруй хариуцлага тооц гэдгийг удаа дараа мэдэгдсэн. Эрх баригчдын амны уншлага болсон шударга ёсыг тогтоох хангалттай боломж парламентад, 64 суудалтай эрх баригч намд байгааг дахин сануулъя. АН ажил хийлгэхгүй байна гэдэг үлгэрээ нэн дариу зогсоож, сонгуулиар амласан амлалтаа биелүүлж, ажлаа хийхийг шаардаж байна. АН хууль бус ямар ч үйлдэлтэй эвлэрэхгүй, гэмт хэрэгт холбогдсон хэнийг ч өмгөөлөхгүй. Тиймээс ч АН-ын жирийн гишүүд популистуудын гүтгэлгийн бай биш гэдгийг хариуцлагатайгаар мэдэгдэж байна. АН нь 1990 оны хувьсгал болон 1992 оны Үндсэн хуулийг батлуулсан улс төрийн хүчний хувьд ардчилал, хүний эрх, эрх чөлөө, гурав дахь хөрш гэсэн нийгмийн суурь үнэт зүйлээ хамгаалахын төлөө хатуу зогсох болно гэдгээ мэдэгдэж байна.

О.Магнай: Л.Оюун-Эрдэнэ АТГ, Прокурорын дарга болвол илүү олон хүнийг шоронд хийх байх. Хүнийг шоронд хийх нь энэ хүний чаддаг ажил юм байна.

Хэвлэл мэдээллийн хэрэгслээр Эрдэнэтийн 49 хувь, 60 тэрбумын асуудал дээр хангалттай Ардчилсан намыг бууруутгасан мэдээллийг явууллаа. Өнөөдөр Ардчилсан нам УИХ-д 7 гишүүнтэй. Өнөөдөр эрх баригч нар төрийн 3 өндөрлөгийн 2-г нь өөрийнхөө намд авсан. Дээрээс нь нэмээд УИХ-д албан ёсоор 64 суудалтай, албан бусаар 66 суудалтай байна. Энэ нөхдүүдэд өнөөдөр хэнд ч хариуцлага тооцох боломж нь байна, сонгуулиар амласан бүхий л ажлаа хийх бололцоог нь Монголын ард түмэн олгосон. 66 суудалтай улс төрийн хүчин өнөөдөр ажил хийж болохгүй байнаа гэж ярьж байгаа бол өөр хэн ажил хийж чадах вэ. МАН-ын дарга У.Хүрэлсүх болон МАН ажлаа хий. Телевизээр сард нэг удаа ярьдаг шудрага ёсоо тогтоо. Шудрага ёсоо тогтоохд чинь ямар ч саад байхгүй ээ. Шудрага ёсоо тогтооход чиь АН халуун дотноор дэмжинэ ээ. Харин шудрага ёсны дор худлаа популизм хийж, нийгмийн сэтгэл санааг үймүүлж, нийгмийн эмзэг цэг дээр дарж хоосон улс төр хийх нь яавч Монгол улсад ашиггүй гэдгийг эрх баригчид ойлгох ёстой.

Хэрэв манай намын Д.Эрдэнэбат гэдэг хүн Эрдэнэтийн 49 хувьтай холбоотой бол хариуцлага тооцох ёстой. АН өмөөрөхгүй. Зарчмын нэг зүйлийг хэлэхэд ямар ч хулгай, ямар ч луйвар дээр АН нүүр өгөхгүй. Гэхдээ хууль, хяналтын байгууллагаараа тогтоогдох ёстой.

Сүүлийн үед нэг анзаарагдаж байгаа зүйл бол өнөөдрийн ЗГХЭГ-ын дарга Л.Оюун-Эрдэнэ шүүх, прокурор, АТГ, цадаагийн үүргийг бүгдийг нь хамтад нь гүйцэтгэж байна. Уг нь ЗГХЭГ-ын даргад хуулиараа хийх ажил маш их оногдсон байдаг. Гэвч харамсалтай нь сүүлийн үед энийг шоронд хийнэ, тэрийг шоронд хийнэ, ийм гэмт хэрэг шалгана, 1990,1992 оны хувьчлалыг шалгана гэх мэт дандаа л гэмт хэрэг ярьдаг албан тушаал гарлаа. Л.Оюун-Эрдэнэ үнэхээр л гэмт хэргийн талаар цаашид мэргэшиж ажилламаар байгаа бол түүнийг АТГ, прокурорын даргаар тавьбал илүү зохих байр суурь харагдаж байна. 1992 оны үндсэн хуулиар гэм буруутай нь шүүхээр тогтоогдоогүй байхад хэнийг ч гэм буруутайд тооцож болохгүй ээ гэж заасан байдаг. мөн Л.Оюун-Эрдэнэ өөрт оногдоогүй үүргээ сайн дураар биелүүлж хэн нэгнийг орой болгон телевизээр яллаж болохгүй ээ гэдгийг маш сайн ойлгох хэрэгтэй. Л.Оюун-Эрдэнэ АТГ, прокурорын дарга болвол илүү олон хүнийг шоронд хийж, уйлуулах боломж бололцоо олгогдох болов уу гэж харж байна.

У.Хүрэлсүхийн хувьд УИХ-д албан бусаар 66 суудалтай, хамгийн сайн найзаа УИХ-ын дарга болгож,  нутгийн дүүгээ ЗГХЭГ-ын дарга болгосон. Өөртэй нь сөргөлдөж байгаа бүх хүнийг нам дарсан. Тэгэхээр У.Хүрэлсүх шиг шүдтэй амьтан  байхгүй. Одоо тэгээд нэмээд яавал шүдтэй болох уу гэдгийг У.Хүрэлсүх л өөрөө хэлэх байх даа. Үүнээс илүү хурц шүд гэж алга. Энэ шүдээрээ юм зажилж дийлэхгүй бол явах хэрэгтэй. Энэнээс цөөхөн шүдтэй байхдаа олон хүн олон ажил хийж байсныг бид бүгдээрээ мэднэ.

ВИДЕО: