УИХ дахь АН-ын бүлгийн хуралдаан өндөрлөлөө. Тус бүлгийн хуралдааны талаар УИХ дахь АН-ын бүлгийн дарга Д.Эрдэнэбат мэдээлэл хийлээ. 

УИХ дахь АН-ын бүлгийн дарга Д.Эрдэнэбат: 

Өнгөрсөн долоо хоногт АН-ын бүлэг шийдвэр гаргаж, “УИХ өөрөө тарж, ээлжит сонгуулийг яаралтай зарлах” тогтоолын төсөл боловсруулж, гарын үсэг цуглуулж эхэлсэн. Өнөөдрийн байдлаар 14 гишүүн гарын үсэг зурсан байна. УИХ-ын үйл  ажиллагаа цаашаа явахад хүндрэл үүссэнийг нийгэм харж байгаа. Тийм учраас энэ хавар УИХ-ыг тарааж, яаралтай ээлжит бус сонгуулийг зарлах хэрэгтэй.

Өнөөдрийн тухайд гишүүдийн үл ойлголцол, бие биенээ гүтгэх үзэгдэл хэрээс хэтэрч байгаа. Тиймээс өнөөдөр АН-ын бүлэг байр сууриа ярилцлаа.

АН-ын бүлэг УИХ тарж, ээлжит бус сонгуулийг явуулах нь зүйтэй гэсэн байр суурьтай байгаа. Магадгүй бид эцсийн удаа гарын үсэг зурсан байх. Дахиад ямар нэг зүйлд гарын үсэг зурахгүй. УИХ-ын даргыг огцруулах бичигт гарын үсэг зурах нь МАН-ын асуудал.