МАН-ын бүлэг ээлжит бусаар өнөөдөр 12.00 цагаас хуралдахаар болжээ. Тус бүлгийн хуралдаанаар Монгол Улсын Ерөнхийлөгчийн өргөн мэдүүлсэн УИХ өөрөө тарах асуудлаар зөвшилцөх санал хүргүүлснийг хэлэлцэхээр болсон байна. Монгол Улсын Ерөнхийлөгчийн зүгээс УИХ өөрөө тарах ёстой, чадамжгүй болсон гэж үзээд тарах хүсэлтийг өнгөрсөн Даваа гаригт хүргүүлсэн юм. Хуулийн дагуу таван хоногт энэ асуудлыг хэлэлцэх ёстой учраас ийнхүү ээлжит бус хурал зарлаж, бүлгийн хуралдаанаар хэлэлцэхээр болжээ.