Төрийн ордонд УИХ дахь АН-ын бүлэг хуралдаж байна.

Бүлгийн өнөөдрийн хуралдаанаар “Төрийн өмчийг 2018-2020 онд хувьчлах үндсэн чиглэл батлах тухай”  тогтоолын төсөл болон энэ долоо хоногт УИХ-ын чуулганы нэгдсэн хуралдаанаар хэлэлцэх хууль, тогтоолын төслүүдэд оруулах санал, дүгнэлтээ нэгтгэнэ.

Уг тогтоолын төслийг өнгөрсөн долоо хоногт Эдийн засгийн байнгын хорооны хуралдаанаар хэлэлцэх үед АН-ын бүлэг завсарлага авсан. Бүлгийн зүгээс “МИАТ”, “Төрийн банк” зэрэг ашигтай ажиллаж буй компаниудыг хувьчлах болсон шалтгааны талаар Төрийн өмчийн бодлого, зохицуулалтын газар болон бусад холбогдох байгууллагын мэдээллийг сонсох шаардлагатай хэмээн үзсэн юм.